Өлең: Жұмағали Саин (Комсомолға)

Лениншіл комсомол!
Қатарында болдым мен де жалынды,
Бесжылдықтар белестерін бірге астым,
Құрдым завод, бөгестім зор ағынды,
Бар майданда бірге аттадым, бір бастым,
Сенен алдым үлгілерін еңбектің
Бөгеттерді қиратуды күреспен
Үйреттің сен, қиыр шетке мен кеттім,
Шахтада ауыр, жүрдім иін тірескен.
Қаздым жерді, кен қыртысын копардым,
Екпінді боп топтың алдын бермедім,
Арман еттім көркеюін Отанның,
Құлашымды шығандарға сермедім.
Лениншіл комсомол!
Ленинге сен еліктедің, оқыдың,
Ұлым деп атадың да өзіңді,
Сөзін, ісін жүрегімде тоқыдым,
Сол бір атпен бөледім бар сезімді.
Жастар жанын Ленин аты қыздырды
Күн нұрыңдай қуатымен, жазымен,
Құмайттарға септік сұлу біз гүлді,
Шырқадық ән жаңа өмірдің сазымен.
Күреспенен, еңбекпенен өстің сен,
Ленин ұлы — комсомолым, батырым.
Қырық жасыңды құттықтайды өлеңмен
Өз ұяңнан ұшқан бір кез ақының.