Өлең: Қара көзім (Қазақ ауыз әдебиеті)

Аулым көшіп барады белден басып,
Белден асқан бұлтпенен араласып-ай.
Аулың алыс кеткенде, әй қарағым,
Ақ қағазбен жүрелік амандасып-ай.

Қара көзім,
Бар ма есіңде сондағы
Айтқан сөзім-ай.

Аулым көшіп барады лай көлге,
Шағи бешпет жарасар қынай белге-ай.
Аулың алыс кеткенде, қара көзім,
Көз жасыңды көл ғылып жылай көрме-ай.

Қара көзім,
Бар ма есіңде сондағы
Айтқан сөзім-ай.