Өлең: Баянайым (Қазақ ауыз әдебиеті)

Дүние бір сұлу қыз бұраңдаған,
Жүрме аттың артынан сыр алмаған.
Ахау.
Сабыр түбі сары алтын деп жүргенде,
Сан соқтырып кетпесін бір оңбаған.
Ахау.

Баянайым, нұрлы-ау қайың,
Кімдер әуес болмаған, қалқатайым.

Ойлап тұрсам дүние шолақ екен.
Бір-біріне адамдар қонақ екен.
Ахау.
Достарыңның барында сыйласып қал.
Бұл дүниенің қызығы сол-ақ екен.
Ахау.

Баянайым, нұрлы-ау қайың,
Кімдер әуес болмаған, қалқатайым.