Өлең: Айжан-ай (Қазақ ауыз әдебиеті)

Дарияның арғы жағы, ахау, бергі жағы,
Жағасында жайқалған жапырағы.
Жігіттің еш арманы, ахау, болмас еді,
Күлімдеп алдан шықса сүйген жары.

А-хау… Айжан-ай,
Жас дәурен екі айналып,
Келмес саған-ай.

Дүниеде әркім жүрер, ахау, кең болған соң,
Ойнайды екі құрбы тең болған соң.
Сырымды саған айтпай, ахау, кімге айтамын,
Сүйгенім ғашық жарым сен болған соң.

А-хау… Айжан-ай,
Жас дәурен екі айналып,
Келмес саған-ай.