Өлең: Ай-ай, бозым (екінші нұсқа) (Қазақ ауыз әдебиеті)

Той дегенде мінемін дөненімді,
Жақсылардан аяман өнерімді.
Топ алдында осындай сынға түсіп,
Бір тексеріп қояйын өлеңімді.

Ай-ай, бозым,
Аялаған жан қалқа,
Келді-ау, кезің-ау.

Өлеңімді тыңдаған не дейді екен,
Жақсыны өлең қолтықтан демейді екен.
Бірекі ауыз тойда өлең таппаған жан,
Бай болса да бәрі бір кедейге тең.

Ай-ай, бозым,
Аялаған жан қалқа,
Келді-ау, кезің-ау.