Өлең: А, шіркін, жанай-ау (Қазақ ауыз әдебиеті)

Ақша қарда жорытқан қояндайсың-ей,
Шөп-шөп сүйсем бетіңнен оянбайсың.

А, шіркін, жанай-ау.

Екі көзің күн нұры жарқыраған-ей,
Қандай жанға өмірлік баяндайсың.

А, шіркін, жанай-ау.

Ары өтейін аулыңнан, бері өтейін-ей,
Ақ алмасын арудың тере өтейін.

А, шіркін, жанай-ау.

Шын пейіл, шын көңілің менде болса-ей,
Алтын қобыз қолға алып әндетейін.

А, шіркін, жанай-ау.