Өлең: Ұстаздар (мұғалімдер) күні "Ұстаз атты бір жан бар"

Заводта болсаң, күнбе - күн
көрінер еді табысың.
Дәрігер болсаң, түрлі емің –
сырқаулы жанның бағы шын.

Ал сенің еңбек жемісің
өзгеше тіпті басқадан:
ол - өзін арнап ел үшін
осынау жүрген жақсы адам.

Жақсы адам – елдің тірегі,
байлығы туған халықтың,
шапағын шашар үнемі
көгінде тұрған жарық күн.

Сан жастың қамын шертесің,
тағдырын ойлап толғанып.
Әр үйдің бір - бір еркесін
үйреттің өзің қолға алып.

Ұстазсыз жанда сөнбек күн,
шәкіртсіз өмір – сусыз жер.
Көрінбес ғажап еңбектің
бейнетін кешіп жүрсіздер.

Жүректе тұрар жалқы үнің,
жанымнан жалын жігер күт.
Ұстазым, сенің әр күнің,
әр сәтің тұрған бір ерлік!

Ұстаз атты бір жан бар,
Оқушылар ұстаздарды тыңдаңдар!
Əр күн сайын білім берер сендерге
Үйретеді өмір жайлы бұл жандар.

Өзін - өзі тану пəнін оқысаң,
Адамдықты үйретеді осы пəн,
Мейірімділік, адалдыққа баулиды
Осы пəнді санаңа сен тоқысаң.

Махаббатын оқушыға төгетін
Баласындай сені жақсы көретін
Ей - балалар! ұстаздарды сыйлаңдар
Білім нəрін сендерге кеп төгетін

"Ұстаздан шəкірт озар"
Халық сөзі емес пе
Халық айтса бекер айтпай
Тұрады екен алда есте

Ұстаздарды сыйлау, құрметтеу,
Тəрбиенің мəні екен
Үлкендерді құрметтеу
Бұл өмірдің заңы екен!

Асқақ арман көңілдің гүл сезімі,
Ардақтаймын білім берген ұстазды.
Анамдай ақыл айтып білім құйдың санама,
Жақсы көрем Арина апай өзіңді.

Күндер өтіп міне 9 оқып қалыптым,
Білім алып келемін Абай орта мектепте.
Ақыл айтып білім берген ұстаздар,
Сол білімді ақтай білу арманым.

Бір ой келді осы сәтте санама,
Көзімді аштың үйреттің өмір жолдарын.
Баламыз ғой біз білмейтін белес көп,
Толтырамын көріп - біліп білмегенді білгеннен.

Тіл маманы Майрадай білімі ұшқыр апайым,
Аянбады үйретуден барша оқушыларға.
Білім бердің қаншама жыл Абай орта мектепте,
Үйреттіңіз сіз маған қазақ тілін талай жыл,
Өміріме нұр сыйлап, сөз маржанын тіздім мен.

Ұстаз

Шәкірттерін оқытудан жалықпаған
Дәріс алды ұстазынан қаншама адам
Қыран құстай биік самғап,
Ұстаздарын шәкірттері ұмытпаған

Ұстаз – халқының ашқан көз нұрын
Ұстаз – түсінген әр пенденің жан мұңын
Ұстаз – жақсы мен жаманды үйретіп,
Арнаған балаған деп әр күнін

Ұстаздардың тынымсыз еңбегі
Балаларға бар жақсыны бергені
Тәлім – тәрбиеге үйретіп,
Бала десе елжіреген жүрегі

Ұстаз болашаққа жол ашқан
Ардақты жандар алтыннан асқан
Үлгілі,өнегелі шәкірттері
Ұстазының артындағы ізін басқан