Өлең: Ерік Еренғазыұлы (Күзде келді аяңдап)

Жазда бітіп,күзде келді аяңдап
күн қысқарып салқын түсті баяулап,
салқын жаңбыр себелейді ақырын
кетіп барат,жазда артына қарайлап.

Балалардың сабағы да,жақын қалды таяды
балалар да,мектеп жаққа алаңдаумен қарады,
ойындарын қимай қимай тастаумен
сөмкелерін асып алып,мектепке де барады.

Көмірің мен отының бар,дайындайтын
қар жаудырмай,қораға бәрін қамдайтын,
айта берсек қу тіршілік бітпейді
қар күрегің,балтаңда бар қайрайтын.

Ызғары қысып,қыста өзі кетеді
шуақ шашып,көктем тағы келеді
сүйте сүйте,қайта айналып мезгілдер
білінбестен,өмір деген өтеді.

Өкінбейік өтті деп,менің өмірім
жарқын болсын,ашық сенің көңілің,
басымызға нәсіп етсін амандық
шүкір Алла,осы өмірде сүргенім.