Өлең: Қалижан Бекқожин (Әнуар)

Жігіт еді - әзілі бар, әні бар,
Жігіт еді - біздің ерке Әнуар.
Жігіт еді, боздағы еді халықтың,
Еркін, ерке жайраңдаған жаны бар.
Жүрегінен шаттық күлкі төгілген,
Ойнаушы еді келемеждеп өліммен.
Еркін сырлы ерке бөбек секілді —
Қайтып қана ол кетеді өмірден?
Қайғырмашы, Қалима сен, келеді ол,
Өмір десе өлмейтұғын ер еді ол.
Өмірі бар, жары да бар, досы бар,
Қайтып қиып мына бізді өледі ол?