Өлең: Әліпов Айтбек Рымбекұлы (Арман қала)

Арқа төсі гүлденді,
Бәйшешектер құлпырып.
Қызғалдақтар, сарғалдақтар жайқалып,
Нұр аспанның шуағына шаттанып.
Жылдар жылжып, заман дамып,
Пайда болды картада.
Жаңа қала, сәнді қала - Астана,
Бейбіт қала бас қала.
Таң қалдырып жақын менен алысты,
Күннен күнге бой көтеріп жарысты.
Теңдесі жоқ ғимараттар,
Аспан менен таласты.
Жұмыс қызып,
Арман қуған жастарымыз,
Келіп жатты,
Жан-жақтан.
Бүгін міне Астана,
Әсем қала сәулетті.
Нұрлы қала гүлденген,
Сарыарқаның төрінде.
Талайларға үміт болған,
Талайларға арман болған.
Талайларға сенім берген,
Нұрлы қала жас қала.
Болашақтын негізі деп,
Қолдап жаттың жастарды.
Сондықтан да мен сені,
Сүйіп өтем Астана.
Нұрға толы, нұр есімі жан-жақтан,
Нұрға бөлеп шуақ шашты әр жақтан.
Сондықтан да көркейе бер әлі де,
Нұр есімі жарасады өзіңе.