Қазақша өлең: Серікбай Маханов (ҚАҢТАР КЕШІ)

Қар суыртып жел тынбайды желістен ,
Мал байлаулы көрінбейді өрістен .
Түтінменен үй мұржасы будақтап
Аппақ қармен ауыл маңы көріскен .

Қоюланып қарауытты төңірек ,
Нұр сәулеге ынтық болып көк жиек .
Ақ белестен түн пернесін жамылып
Тізбектелді қырат белдер жүк тиеп .

Көлеңкелер қызыл — жасыл жарысты ,
Күн суығы байқатпайды алысты .
Ағын суды мұз құрсаумен тоқтатып
Ақ ұлпаға үйретті кеп вальсті .

Жымыңдасқан жұлдыздар жоқ төбемнен ,
Сыйқырлаған қаңтар кешін көрем мен .
Аяз сүйіп шымшылайды бетімді
Ақын болсаң жырла дейді өлеңмен .