Қазақша өлең: Баубек Ералыұлы Бердіжар (Әкешім...)

Әкешім – Алатау тірегім!
Мен сенің мұңыңды білемін.
Қамықпа, балаң жүр «Алла» - деп,
Пәк арман билеумен жүрегін.

Тағдырым, сын салса басыма,
Сен әркез табылдың қасымда.
Мен қалай қарсылық танытам,
Ел билер – сақалды жасыңа?
Балаң жүр: «Алла» - деп қалада,
Әкешім жасыма.

Әкешім – Алатау тірегім!
Арнаймын жүректің жыр лебін.
Болсам да қайда мен,
Әкешім!
Отыңды өшірмей жүремін.