Мақал - мәтел: Жомарттық пен сараңдық

Игі адамның «жомарт» аты шығады,
Ол өлсе де, «тірі» деп жұрт ұғады.

Сараң – пайғамбардың жиені болса да пейішке бармайды,
Жомарт – қара құлдың баласы болса да тозаққа бармайды.

Жомарт ерге ел алғысын төгеді,
Сараң атын естісе жұрт сөгеді.

Жомарт ер білім жолын жете білер,
Мал беріп, атақ алып өте білер.
Жарылқап кем-кетікті білімменен,
Жақсы атпен дүниеден өте білер.

Жомарттыққа не жетсін?
Жүйріктен құтылып не кетсін?

Жомарттық – сұратпай сыйлау.

Береген қолым алаған.

Жомарт бергенін айтпас.

Берген жомарт емес,
Алған – жомарт.

Атым шықсын десең, жомарт бол.

Байлыққа жомарттық жарасады.

Берсе, қолынан,
Бермесе, жолынан.

Сараңның салғанын қазаны жейді,
Қалғанын қонағы жейді.

Күншіл сорлы көре алмай өледі,
Сараң сорлы бере алмай өледі.

Сараңның асын сары ит ішсін.

Сараңның етін сасыған соң
Сары күшік жейді.

Сараңның қолы қалтырауық.

Сығырдың ақысын сараң жейді,
Сараң болмаса, арам жейді.

Балық бастан бұзылады,
Сараң астан бұзылады.

Сыпайы, киімді киіп тоздырады,
Сараң, киімді жиып тоздырады.

Іші тарлық — сараңның ісі,
Жалақорлық — жаманның ісі.

Айыратын жаман бар,
Қосатын жараң бар,
Барын ішпейтін сараң бар,
Жасырып ішетін арам бар.

Ұры байымайды,
Сараң семірмейді.

Сараңға саңыраулық қонады,
Есітсе де есітпеген болады.

Қас екеніңді қабағыңнан танимын,
Сараң екенінді табағыңнан танимын.

Сараңның өз малы өзіне бұйырмас.

Берместің сылтауы көп.

Шараң толы болса,
Сараңдық жуымас.

Сараңның даңқы шықпас.

Беріп жаман атанғанша,
Бермей сараң атан.

Ақылды болу сараңға да жарасады.

Бұ сараңнан түк дәметпе, көнбейді,
Сортаң жерге еккен бидай өнбейді.

Сараң да бір, сасық су да бір

Доп

Мақала ұнаса, бөлісіңіз:

Ұқсас мақалалар:
» Қазақша мақал - мәтел: Сараңдық, қызғаншақтық
» Қазақша мақал - мәтел: Байлық, ақша, бай, кедей, кедейлік
» Қазақша Мақал - Мәтел: Жалғыздық
» Мақал - мәтел: Атақ, даңқ
» Қазақша мақал - мәтел: Олжа, кіріс, пайда, табыс, ұтыс

Іздеп көріңіз: