Жаңылтпаштар

Қапыда ит қапты,
Қатты қапты,
Қапты қатты.

Пышағы кесті, жайышты,
Шанышқысы шанышты.

Даланы қар жабар,
Қарға балалар аққала қалар.

Абжыландай арбамасаңшы,
Абдырамай тал жинасаңшы.

Абалақ-сабалағы шыққан иттерді абалатпасаңдаршы,
Абат бақты абалаған иттерге аралатпасаңшы.

Аббат абдырағыш па,
Абақ абдырағыш па?
Аббат абдырағыштау,
Абақ қодыраңдағыштау.

Баласы шашын жібітіп отыр,
Атасы насыбайын үгітіп отыр.
Апасы түбітін түте алмай,
Ұрысып отыр.

Балтабай
Мал таба алмай жүр.
Баласы тал таба алмай жүр,
Ағасы бал таба алмай жүр,
Балтабай әлі мал таба алмай жүр.

Доп,доп, доп екен,
Доп қуғандар көп екен.
Допты тепті Төлеген,
Төлеген тым тебеген.

Дөп-дөңгелек
Доп дөңгелеп келеді.
Тепкен бөгеп қарап,
Аяқ оған керегі.

Гүлім гүлге қарап күлімдеді,
Көгілдір гүлге қонған аралар гуілдеді.

Шақпақ тасты, аппақ тасты
Шақпақшы шал
Шығып, шашты.

Шақшалы шал бақ шарлар,
Ақ шашты шал ат байлар.

Райхан, раушан реңділес
Реңдестерім ренжіспес.
Раушанның райханы,
Райханның раушаны,
Рахатта реңсізденбе.

Жаужүректі жаужүрек дейміз,
Тау құдіретті
Тау құдірет дейміз.

Жолаушыны арбалы
Тонаушылар байлады.
Қырда жортқан көп аңшы
Тонаушыны байлады.
Жолы болған жолаушы
Қара жолмен заулады.
Тонаушылар байлаулы
Жаралы аңша аунады.

Елеусіздің елеуіші елегіш
Елеместің елеуіші елегіш.

Есікпе-есік отырғандар
Есіктерін тесіп-тесіп тастапты...

Намысшылды нашар нақыш налытты,
Намыссызды найсаптығы найқалтты.

Лекер лыпыл, лепілдек
Лайдан лезде лепілдеп,
Лайсаңдағы лездігін
Лебіздеді лепіре лекіп.

Зерек зергер зерделеп,
Зергерлеуші зер зерлеп.
Зерлілер затын зерлеткен
Зергерлік те зерделік.

Ибалы - инабатты. Игісінді - ибадатты.

Виктор ағай
Диктор ағайға:
«Бұл өзі мықты ірі ағай!
Мықты ірі ағай!» - деді.

Саматқа санақ қонатын емес,
Саусағын санап болатын емес.
Онысы кейде кем болып шығады,
Кейде кенет он болып шығады,
Кейде одан да мол болып шығады,
Сөйтіп, есебі өзгеріп тұрады.

Салтап, сақтап орақ, шалғы,
Жұмсай берді олар, олақ шалды.

Тастай ауыр ақ сақам,
Ақ сақаммен жақсы атам.
Жақсы атқаным емес пе,
Ұлдарды зар қақсатам.

Тас,тас, тасбақа,
Асты-үстінде тас-тапа.
Келсін қасқа- асқа, ата,
Берші бата, досқа, ата.

Құман от ңасында,
Жүген ат басында.
От басынан құманды алыс тастасын ба?
Ат басынан жүгенін ап, ноқта салсын ба?

Қызыл сиялы қалам сенде,
Көк сиялы қалам менде.
Қызыл сиялы ол алты теңге,
Көк сиялысы ол жарты теңге.

Уатушы Уәлиді
Уәзирамыз уайымсыз.
Уілдейді Уәлиі,
Уақыт уәжсіз Уәлисіз.

Мінген Шанаға да,
Танаға да
Анау бала-қара бала.

Мен бақшаның қарбызын жинадым,
Алмагүл алма үзіп жинады,
Жоламан таудың жалбызын жинады.

Фархат ферғаналық Фазылов,
Фатих фрунзелік Фазылов.

Хатипа мен
Хатипаға,
Харьковтегі Қамарға
Хамит аға
Хат жазғын, — деді

Күш, күш, күшігім,
Қарда жатсаң үсідің.
Кір, кір, үйге, күшігім,
Ки көкемнің ішігін!

Кінә бар,
Күнә бар,
Күмән бар.
Кінә не,
Күнә не?
Күмән не?
Кінәні артады,
Күнәге батады.
Күмән боп жатады.
Кінәлі, күнәлі,
Күнәлі күмәнді,
Күмәнді кінәлі.

Ізденгіш -ізшең.
Ізшең - ісшең.
Ізшең - іскер.
Іскер - ісмер.

Ыңғайсызы
Ыңғайсыз-ақ...
Амал жоқ
Тыңдаудай
Тыңдайсыз-ақ

Ұстара, ұстара!
Ұстара мұрт алуға
Құштар, ә!
Құштар, ә!

Ұқыпты бала
Кітапты түптеп тастады.
Ұқыпсыз бала
Кітапты бүктеп тастады,
Жұмысын басқаға жүктеп тастады.