Құттықтау - тілек: Туған күн (ініме)

Іні десе ішкен асым жерге түсер,
Жақсы ісіңнен кеудеме наным пісер.
Жаратқан жолы болған жан етсінші,
Өмірдің бақытының бәрін ішер.

Туған күнің құтты болсын бауырым,
Тілеймін мен сәтті күннің жарығын.
Бақытты бол, қуанышың көп болып,
Амандықта жүре бергін жан інім…

Үмітке сенім жалғасып,
Тіршілік үшін талпынып.
Келесің інім, алға асып,
Арманды қуып шарқ ұрып.

Жолыңнан жүрген жаңылма,
Кедергі болса кесіп өт.
Жаңғырып тұрсын жадында,
Ағалар айтқан өсиет!

Құрметті ағайын! Міне, желіп отырып, [жасы] деген белеске де келіп қалыпты. Мен өзім пайғамбар жасы 63 жасқа келсем, артымнан ерген өкшелес інім бұл да [жасы] шығып отыр. Өткен өмір көз алдыңа кино болып елестейді екен. Ауылда бозбала болып қатар өстік, оқыдық, отау құрдық, өстік-өндік, талай елмен дәмдес болып, қызмет еттік. Әркім өзінің пешенесіне жазылғанды көріп келеді, Аллаға шүкір, жаман емеспіз деп ойлаймын. Осы аралықта дүние емес, дос жинауға, ағайынмен аралас болуға ұмтылдық. Міне, інім жиған байлығын көрсетіп отыр. Ол байлығы: ұйыған отбасы – келін, балалар, өсіп-өнген ұрпақ, осы тойға жиналған қауым, ағайын, дос-жаран. Солардың ортасындағы абырой. Байлық деген осы. Бақыт деген осы. Бір күн дәмдеске қырық күн сәлем деген. Тойға алыстан – Атыраудан, Астанадан және басқа да жерлерден ағайын-туыстар, құда-жекжаттар, дос-жарандар, қызметтес жолдас-жоралар қатысып отыр.

Үлкендердің батасын алған, Құдайдың рахметіне жолығар деген ұлағатты сөз бар. Сіздердің тілектеріңіз ініме, оның ұрпағына жұғысты болсын.

Қуанғаның рас болса, шақырған тойына бар деген осы. Жер қашық демей, қыстың көзі қырау демей жиналып отырмыз.

Ініме, бала-шағасына, баршаңызға дүниенің бар жақсылығын тілейміз. Еңбек жемісін, бала-шағаларыңыздың рахатын көріңіздер. Көргеніміз той болсын. Басымыз тойда қосылып жүрсін. Рахмет.

Мен көрмесем деп ем,
Төккенін көзіңнің мол мұң,
Шыққанын сөзіңнің солғын,
Менің өмірім бір кітап десем,
Үлкен ғой онда өзіңнің орның.
Бар күйі шертілген жоқ
Жастықтың сазының да әлі,
Жайлауым жазы құмындағы,
Сен бір қызық тараусың, інім!
Өмірімнің мазмұнындағы.
Мен саған саясын тіледім
Шаңқайда шынар талдың да,
Өкпелетсең де, кінә арта алдым ба?
Үмітімді ақтадың ба сен?
Жылағанда қуанта алдың ба?
Жаман болсаң мені де құлатасың,
Жақсы болсаң аспанға шығарасың да,
Өмірде әлі талай сыналасың да.
Менің кітабымның жақсы болуы
Саған байланысты, ұға аласың ба.
Өрмекшінің ізіндей ойнар
Санамды сызып торлайды,
Бір сазды үзіп толғайды,
Сен бақытты болмасаң, інім,
Менің өмір кітабым қызық болмайды.

18 жас уыздай жас балалық,
Көрінеді істеріңнен шалалық.
Әр жыл сайын ақыл кемел толыссын,
Сендер жақтан күтем жақсы жаңалық.

Аға, Апа боп саған ақыл айтамыз,
Бір өзіңе үміт артып қайтамыз.
Денсаулық, бақыт, байлық болсын бәрі,
Азамат бол атқаратын байтақ іс.

Інімнің көңілі адал, жұмсақ жүрек,
Отбасының иесі, бізге тірек.
Күліп-ойнап думанды өмір өткізе бер,
Денсаулық, достық, бақыт саған тілек.

Жеткізді Анам бізді аялаумен,
Біз өстік көлеңкені саялаумен.
Қарызды қалай енді қайтарамыз,
Келеміз кезіп әлі жаяулаумен.

Шаңыраққа ие болсаң сол қуаныш,
Анаға ол іс тағы бір жұбаныш.
Көңіліне кірбің-мұң түсірмесек,
Біздерден шығар еді бір туар іс.

Басыңа қайғы төнбесін,
Қиындық қиын көмбесін.
Жұлдызың жанып жарқырап
Биіктерден сөнбесін.

Қуаныштан қос өрімді қамшы өрші,
Қиналғанға қуат болар тамшы болшы.
Адаммзаттан көмегін аямайтын,
Көңілдің күйін бағар жаршы болшы.

Шаршағанда дем беретін, тынысым,
Бауырымысың, бірге туған інімсің.
Тілеймін саулық пенен бақыт саған,
Мен ай болсам серігім сен күнімсің.

Отбасыңмен бақытты бол қуанып,
Мерейіңді биік ұста ту алып.
Ауру-сырқау дегендерді білмей өт,
Дүниеге келсін сенен бір Алып.

Мейрамың құтты болсын бүгінгі,
Күлкіменен баста әрбір күніңді.
Сен аман бол, бауырым, балапаным,
Бақытыңа менің түнім түрілді.

Бауырым келді өмірге,
Үмітті жиып көңілге.
Азамат болсын ардақты,
Қанатын жайған көгінде.

Іні деген атыңнан айналайын,
Апалаған, сыйлаған мені әрдайым.
Туған күнің құтты болсын толған жасың,
Мерейің жаннан ассын бар жағдайың.

Қоңсы қоншы ауылымен жақсылықтың,
Жауы бол жеңдірмейтін лас қылықтың.
Өміріңді көркем ғып өзің жаса
Байлауына дес бермей бақсылықтың.

Күтеміз сенен әркез алаулы күн,
Мақтауға тұрарлықтай жалаулы күн.
Өс, өркенде, шарықта, талма ешқашан,
Әр күнің болсын берген қалаулы күн.

Інім барда тыныс алам жүрекпен
Жүрегімнің бақшасына гүл еккен
Туған күнін құт әкелсін басыңа
Тату тәтті айтылған мына тілекпен

Бауырымсың Жаратқан берген маған,
Өмірде жалғыз сенем, інім, саған.
Денсаулығың зор болып, ауырмағын,
Анашым біздер үшін шырылдаған.

Інімнің болып жатыр бүгін тойы,
Бір болған бауырымен арман-ойы.
Қанатың қатайыпты қанат қақтың
Қуаныштың ортаймай шатты тойы.

Бауырым, тірегімсің дара туған,
Ұл балаң құтты болсын жаңа туған.
Бақытты бол отбасыңмен отағасы,
10 балаң болсын соңын ала туған.

Туған күнің құтты болсын, бауырым,
Аңсағанда іздеп келер ауылым.
Шаңырақтың шайқалтпайтын иесі
Тағдыр саған төксін бақыт жауынын.

Туған күнің құтты болсын, бауырым,
Ағайын-дос тілек тілер қауымың.
100-ге жетіп қария бол ел сыйлар,
Болсын аман бала-шағаң, ауылың.

Інішегім, тұяғысың әкемнің,
Біздің үйге бақыт нұрын әкелдің.
Жалғастырып ел есімін ертеңге,
Ақта үмітін анаң менен әкеңнің.

Бауырым, құтты болсын қонған құсың,
Ендігі отбасыңа шаттық ұсын.
Шаңырақ пен керегені кеңге жайып,
Көп болсын тағдырыңда бақыт тұсың.

25-те адамға ақыл қонған,
Біреудің несібесі артып толған.
Денсаулық, достық, бақыт саған тілеп,
Қонсын деймін сені таңдап бақыт жолдан.

30 жас орда бұзар жасқа жеттің,
Ашуды ақыл жеңер жасқа өттің.
Отағасы, азамат, басшы болып,
Оттай болып жанатын жасқа кеттің.