Қазақ тілінен сабақ жоспары: Тәж-Махал – өлмес махабаттың символы (6 сынып, I тоқсан )

Пән: Қазақ тлі
Ұзақ мерзімді жоспардың бөлімі: Әлемнің жеті кереметі
Сабақтың тақырыбы: Тәж-Махал – өлмес махабаттың символы
Осы сабақ арқылы іске асатын оқу мақсаттары: (оқу бағдарламасына сілтеме) 6.2.6.1. Оқылым страгияларын қолдану: комментарий жасау, іріктеп оқу, рөлге бөліп оқу.
Сабақтың мақсаты:
Оқушылар:
 Мәтін мазмұнын түсінеді;
 Мәтіннен ақпараттарды іріктеп оқиды;
 Мәтіндегі ойға пікір білдіреді.
Сабақ барысы: Мұғалім сабақтың тақырыбын, оқу мақсатын, сабақ мақсаттарын, бағалау критерийлерін оқушылармен бірге талқылайды.
Тәж-Махалдың суретін көрсетіп, ол туралы не білетіндерін сұрайды.
Оқылым алдындағы тапсырма.
Оқушыларға оқылым мәтінінің басы және соңғы шумағы беріледі. Оқушылар өлең мазмұнына, сюжетіне болжам жасайды.
Алдымен жеке ойланады, болжамдарын жұпта талқылайды.
Оқылым тапсырмасы.
Аманжол Шамкеновтың «Айлы түнгі Тәж-Маһал» балладасын «дыбыс шкаласы» арқылы мәнерлеп оқиды.Мұғалім тақтаға шкаланың суретін іледі, немесе экраннан көрсетеді. Сол шкаладағы түстерді көрсетіп тұрады, оқушылар соған байланысты дауыс ырғағын келтіріп, барлығы бірге дауыстап оқиды.
Жасыл түс – баяу
Сары түс – орташа, қалыпты
Қызыл түс – көтеріңкі
Тапсырма.
Өлеңді оқып болған соң, төмендегі тапсырманы орындайды.
Шығарманың кіріспе, негізгі, қорытынды ойын ажыратыңыз. Сол бөлімнің негізгі ойын бір сөйлеммен жазыңыз.
Дескриптор:
•Шығарманың кіріспе, негізгі, қорытынды ойын ажырата алады;
•Бөлімдердің негізгі ойын бір сөйлеммен жазады.
Мұғалім дескрипторға сай оқушыларға кері байланыс береді.
Тапсырма. «Екі жақты күнделік»
Оқушылар шығармадан Тәж-Махалдың сұлулығын бейнелейтін тілдік оралымдарды теріп жазады. «Екі жақты күнделікті» толтырады. Күнделіктің сол жағына тіркестер, сөйлемдер, ал оң жағына автордың ойына түсінік беріп, жеке пікірін білдіріп жазады.
Оқылымнан кейінгі тапсырма.
• Оқушылар өздерін фотограф ретінде елестетеді.
• Төмендегі Тәж-Махалдың суретін қашан, қалай жасағаны туралы әңгімелеп береді.
• «Айлы түнгі Тәж-Махал» балладасындағы ойды негізге алады
• Төменде ұсынылған тірек сөздерді пайдаланып сөйлейді.
Оқушылар жұпта жұмыс жасайды, рөлдерді өзара ауыстырып отырады.
Тірек сөздер: Жер үстіне жаратылған көріктей, көздің жауып алу, өңі өзгеру, жан біткендей, ай нұры, теңеу жетпес, ғажайып, айдың шығуын ұзақ күту, сұлулығына тәнті болу.
Дескриптор:
•Суретті сипаттап, әңгімелейді;
•«Айлы түнгі Тәж-Махал» балладасындағы ойды негізге алады;
•тірек сөздерді орынды қолданады.
Оқушылар жұпта бірін-бірі дескрипторға сай бағалайды. ....